ICHKI MUHIT REZONANSINING MIGREN TRIGGERLARIGA TAʼSIRI: TIZIMLI VA ICHAK FAKTORLARINING INTEGRATSIYASI

Migren bu nevrologik kasallik boʻlib, bosh ogʻrigʻi sindromlari orasida eng keng tarqalgan va surunkali ogʻriq sindromlaridan biridir. Migren boshning bir tomonida pulsatsiyalovchi, kuchli ogʻriq bilan kechadi va bemorlarning hayot sifatini sezilarli darajada kamaytiradi. Keng qamrovli tadqiqotlarga qaramay, migrenning asosiy mexanizmlari hali ham yaxshi oʻrganilmagan. Soʻnggi yillarda tadqiqotchilarning eʼtibori migren patogenezida asosiy rol oʻynashi mumkin boʻlgan yalligʻlanish jarayonlariga qaratildi. C-reaktiv oqsil kabi yalligʻlanish belgilarini oʻrganish yangi terapevtik maqsadlarni aniqlashga va migren tashxisini yaxshilashga yordam beradi. Bundan tashqari, gormonal omillar, ayniqsa progesteron darajasi, migren hurujlarining chastotasi va intensivligiga, ayniqsa ayollarda sezilarli taʼsir koʻrsatadi. Ushbu gormonal oʻzgarishlarni oʻrganish koʻproq yangi davolash yondashuvlarini ishlab chiqishga olib kelishi mumkin. Shuningdek, muhim jihat — bu oshqozon-ichak traktining holati, xususan, tizimli yalligʻlanishga va migrenga taʼsir qilishi mumkin boʻlgan ichak mikroflorasi. Koprogrammani oʻtkazish bizga ichak mikroflorasi va migren hurujlari oʻrtasidagi munosabatni yaxshiroq tushunishga imkon beradi. Shunday qilib, ushbu omillarni har tomonlama oʻrganish migrenning patogenezini chuqurroq tushunishga yordam beradi va uni davolash va oldini olish uchun yangi yoʻllarni ochishi mumkin.